Allt

Davíð Þór í Sjónvarpi Símans

24/10/2017 • By

„Ég rak sjálfan mig sem framkvæmdastjóra í lífi og gerði guð að framkvæmdastjóranum,“ segir Davíð Þór Jónsson prestur í öðrum þætti annarrar seríu Nýrrar sýnar í Sjónvarpi Símans. Davíð Þór hefur verið áberandi í áratugi – og ekki eins lengi fyrir guðsótta og beitt grín. Hann þurfti að gera upp líf sitt. Hann setti tappann í flöskuna.

Fyrst vakti hann athygli í byrjun tíunda áratugarins og segir hann þá Stein Ármann Magnússon hafa verið alvara með að umbylta íslensku spaugi. Um þann tíma segir Steinn Ármann: „Við vorum voða mikið í óreglu með þessu.“

Þátturinn með Davíð Þór er annar þátturinn í röð fimm þátta þar sem þekktir landsmenn, segja frá því hvernig þeir tókust á við erfiða lífreynslu. Salka Sól sagði frá erfiðum grunnskólaárum sínum í þeim fyrsta og má finna bæði þessa seríu og þá fyrri í Sjónvarpi Símans Premium.

Viðtalið við Davíð Þór verður í opinni dagskrá í Sjónvarpi Símans á þriðjudagskvöld kl. 20.20.