Allt

Nýtt í Spotify

01/10/2019 • By

Spotify kynnti í síðustu viku nýja virkni sem ætti að gleðja marga. Nú eru nokkur ár síðan að Spotify kynntu Discover Weekly. Lagalistar sem byggja á þeirri hugsun að sýna þér lög sem þú ættir að hafa gaman að miðað við þína hlustun. Það gera þau hjá Spotify með því að athuga hvað aðrir með sama tónlistarsmekk eru að hlusta á sem þú ert ekki að hlusta á, þannig verður Discover Weekly lagalistinn þinn til. Allt með hjálp tækninnar.

Annar sniðugur listi er Release Radar, en sá lagalisti inniheldur glænýja tónlist með listamönnum sem að þú hlustar oft á ásamt nokkrum vel völdum sem Spotify telur að þú ættir að hafa gaman að líka. Þannig geturðu alltaf heyrt það nýjasta frá þínum uppáhalds tónlistarmanni.

Mannshöndin kemur lítið nálægt þessu öllu en gervigreind Spotify reynir að finna út hvað hentar hverju sinni á hvern lagalista eftir ákveðinni rökfræði.

Það nýjasta, sem þau hjá Spotify kynntu svo í síðustu viku kalla þau On Repeat og Repeat Rewind.

On Repeat er sjálfvirkur lagalisti sem inniheldur öll lögin sem þú hlustar oftast á síðustu 30 daga. Hann uppfærist sjálfkrafa eftir sem tímanum líður og þannig ættu öll lögin sem þú ert alltaf að hlusta á að vera saman á einum stað.

Repeat Rewind er svo sjálfvirkur lagalisti laga sem þú varst alltaf að hlusta á, en ert einhverra hluta vegna að hlusta sjaldnar á núna. Listinn gerir ekki upp á milli tónlistarstíla, landa eða listamanna og þannig safnast saman á einn lista öll lögin sem þú varst alltaf að hlusta á, einu sinni. Og þannig geturðu fundið þau öll aftur og byrjað að hlusta aftur og aftur og aftur.

On Repeat og Repeat Rewind lagalistarnir eru aðgengilegir fyrir bæði þá sem hafa aðgang að Spotify Premium og fríáskriftinni í öppum og vef.

Eitt sem er gott að vita! Þegar maður er að leyfa blessuðum börnunum að hlusta á barnaplötur eða hlusta á þýska danstólist fyrir ræktina er sniðugt að stilla á „private mode„. Þá blandast slíkt ekki við þessa sjálfvirku lista ef þú vilt það ekki.

Kíktu á þessa nýju lista, þeir ættu að gleðja.


Allt

Haustdagskráin í Sjónvarpi Símans Premium

25/09/2019 • By

Haustið er uppáhalds tími okkar sem að elskum sjónvarp. Þá byrjar ballið aftur eftir sumarleyfi, gamlir vinir kíkja aftur á skjáinn og nýir þættir bætast í hópinn.

Það er af nógu að taka þegar kemur að nýju efni í Sjónvarpi Símans Premium þetta haustið, svo mikið efni er á leið inn að erfitt verður að gera því öllu skil hér, en við skulum stikla á stóru.

Venjulegt fólk snýr aftur á skjáinn en fyrsta þáttaröðin sló í gegn í fyrra og sló allnokkur áhorfsmet í Sjónvarpi Símans Premium. Við tökum því fagnandi á móti nýjum þáttum af Venjulegu fólki, vonandi þið líka.

Bluff City Law eru flunkunýir þættir, lögfræðidrama með Jimmy Smits sem þekkir lögfræðiþætti betur en flestir enda langskólagengin lögfræðileikari eftir mörg ár í L.A Law hér um árið. Íslenskur leikari, Þorsteinn Sindri einnig þekktur sem Stony Blyden fer með eitt af stærstu hlutverkunum í þessum nýju þáttum.

Emergence er spennandi ný þáttaröð með Allison Tolman úr Fargo í aðalhlutverki. Þar leikur hún lögreglustjóra sem tekur að sér litla stelpu sem stendur ein eftir, minnislaus eftir slys.

Stumptown með Cobie Smulders (How I Met Your Mother) leikur einkaspæjara í hraðri og skemmtilegri nýrri þáttaröð sem er byggð á samnefndum bókaflokki sem einhverjir ættu að kannast við.

Margir segja að The Unicorn verði mögulega besti nýji gamanþáttur ársins, það kemur í ljós en væntingarnar eru miklar. Þættirnir fjalla um ekkil sem uppgötvar að hann veit ekkert hvernig á að ala upp dætur sínar tvær og er á engan hátt tilbúinn að fara á stefnumót.

Evil er ný mögnuð spennuþáttaröð um sálfræðing og prest sem skoða óleyst mál innan kirkjunnar sem jafnvel tengjast illum öndum og hinu yfirnáttúrulega. Hljómar eins og eitthvað!

Allir vinsælustu þættir síðasta sjónvarpsvetrar snúa aftur. This is Us, New Amsterdam, 9-1-1, Hawaii Five-O, Blue Bloods, Chicaco Med., A Million Little Things, FBI og The Resident snúa aftur, allt þættir sem hafa notið vinsælda í Sjónvarpi Símans Premium. Fullt af öðrum þáttum halda svo áfram ásamt því að sitthvað fleira kemur inn af nýju efni.


Allt

Afgreiðslutími um páskana

17/04/2019 • By

Nú þegar páskarnir ganga í garð riðlast opnunartími verslana Símans sem og í Þjónustuveri Símans í 8007000.

Opnunartíminn er sem hér segir :

Verslun ÁrmúliVerslun SmáralindVerslun AkureyriSöluver 8007000Tæknileg aðstoð 8007000
SkírdagurLokað13:00 – 18:00LokaðLokaðNetspjall á siminn.is 14:00 – 19:00
Föstudagurinn langiLokaðLokaðLokaðLokaðNetspjall á siminn.is 14:00 – 19:00
Laugardagur 20. apríl11:00 – 16:0011:00 – 18:0011:00 – 16:00Lokað12:00 – 19:00
PáskadagurLokaðLokaðLokaðLokaðNetspjall á siminn.is 14:00 – 19:00
Annar í páskumLokaðLokaðLokaðLokaðNetspjall á siminn.is 14:00 – 19:00

Allt

Huawei P30 Pro er mættur!

15/04/2019 • By

Huawei kynntu um daginn nýjasta flaggskip sitt, P30 Pro og hann virðist vera við fyrstu sýn alvöru flaggskip með fyrsta flokks íhlutum sem ættu að gera hann að einum besta snjallsíma sem völ er á í dag. Miðað við stuttar prófanir á símanum verður að segjast að þetta sé frábær sími, með geggjaðri myndavél!

P30 Pro er með 6,47″ OLED skjá, risastórri 4,200mAh rafhlöðu sem hægt er að hlaða upp í 70% hleðslu á hálftíma en hann styður einnig þráðlausa hleðslu, og öfuga hleðslu eins og Samsung Galaxy S10 þannig að þú getur hlaðið önnur tæki með því að setja þau á bakið á P30 Pro ef þau styðja þráðlausa hleðslu.

En fyrir utan fallega skjáinn, öfluga Kirin örgjörvann og 8GB í vinnsluminni er það myndavélin sem er stjarnan hér. Stórstjarna meira að segja.

Myndavélin, eða myndavélarnar öllu heldur eru hannaðar í samstarfi við myndavélaframleiðandann þekkta Leica en P30 Pro er með fjórar myndavélar ásamt sérstökum dýptarnema sem gerir bokeh áhrifin enn skarpari og betri en bokeh áhrif er þegar hlutir í forgrunni eru í fókus en allt annað fer úr fókus.

Þrjár myndavélar eru að aftan, 20MP últra víðlinsa, 40MP aðalmyndavél og 8MP aðdráttarlinsa. Huawei segja aðdráttarlinsuna ná 10x aðdrætti án þess að tapa gæðum og allt upp í 50x aðdrátt en þá með einhverjum áhrifum á gæði myndarinnar, það er eitthvað. Ný myndflaga er í P30 Pro sem aldrei hefur verið notuð í snjallsímum áður sem tekur inn 40% meiri birtu sem ætti að skila enn betri myndum en hafa sést í snjallsímum.

Sjálfumyndavélin að framan er svo 32MP með HDR stuðningi og sérstaklega hönnuð til að ná góðum myndum þar sem lítil birta er.

Með öllum seldum Huawei P30 Pro snjallsímum fylgir nýjasta snjallúrið frá Huawei, Huawei Watch GT sem býr yfir mörgum þeim eiginleikum sem að snjallúr eiga að hafa en það sem gerir það betra en mörg önnur er rafhlöðuendingin. Watch GT úrið þarf nefnilega ekki að hlaða nema á ca. tveggja vikna fresti.

Tilboðið gildir til 30. apríl.

Nánar má skoða dýrðina í næstu verslun Símans eða í vefversluninni okkar.


Allt

Svindlsímtöl frá Microsoft

22/02/2019 • By

Síðustu daga og vikur hafa erlendir svikahrappar hringt í íslensk númer og þykjast þeir vera þjónustufulltrúar hjá Microsoft. Tilgangur þeirra að þeirra sögn sé að tölva þess sem svarar sé sýkt af vírus eða annari óværu og ætli þeir að laga allt saman og koma öllu í rétt horf.

Um er að ræða svindl og tilgangur svikahrappanna er að setja inn óværu á tölvur þeirra sem falla fyrir þessu svindli. Með óværunni geta þeir svo gripið notendanöfn og lykilorð, kreditkortanúmer og í raun flest það sem að fer í gegnum tölvu sem þeir hafa náð til.

Það sem gerir þessi svindl símtöl trúverðugari en oft áður er að sum þeirra virðast koma frá íslenskum símanúmerum en ekki erlendis frá, þó þau komi líka. Ef svona símtöl koma inn og viðkomandi kynnir sig sem starfsmann Microsoft er einfaldast að skella á og halda áfram með daginn.

Nánari upplýsingar um málið má sjá hér á vef Microsoft.


Allt

Galaxy S10 lendir 8.mars

21/02/2019 • By

Í gærkvöldi kynnti Samsung nýjasta flaggskip sitt, Samsung Galaxy S10. En dokið við, Samsung kynnti ekki bara einn síma heldur þrjá.

Samsung Galaxy S10

S10 er eflaust fallegasti sími Samsung til þessa. Síminn er nær allur skjár, fyrir utan myndavélina að framan sem er í lítilli holu, efst í hægra horni á glæsilegum 6.1″ skjánum sem ekki aðeins skilar hárri upplausn heldur einnig með HDR10+ sem þýðir enn meiri skerpa, enn dekkri svartan lit og enn ljósari hvítan lit.

Skjárinn er svo með leynivopn, fingrafaraskanna sem er hluti af skjánum og sést ekki með berum augum. Nóg er að skella fingri á skjáinn og síminn aflæsir sig samstundis. Frábær nýjung sem kemur í stað fingrafaraskannans sem áður hefur verið á bakhlið Samsung síma.

Myndavélin er uppfærð og betri en nokkru sinni fyrr. Þrjár myndavélar eru á bakhliðinni en þar má finna 12 MP aðdráttarlinsu, 12 MP víðlinsu og aðra 16 MP ofurvíðlinsu. Að framan er svo sjálfumyndavélin, 10 MP sem skilar betri sjálfum og snöppum en nokkru sinni fyrr.

S10 hefur 128 GB geymslupláss og hefur SD minniskortarauf þannig að stækka má geymsluplássið eins og mann lystir. 8 GB af vinnsluminni má svo finna í S10, stuðning við WiFi 6 sem er nýjasti staðall af þráðlausu neti sem er svo nýr að fæstir beinar (router) eru byrjaðir að senda út internet heima í stofu skv. þeirri tækni.

Heyrnartólatengið er á sínum stað, sem ætti að gleðja einhverja en samt er síminn með IP68 sem þýðir að hann er vel raka og rykvarinn. S10 styður svo auðvitað þráðlausa hleðslu og ein spennandi nýjung sem S10 hefur er að hann styður öfuga þráðlausa hleðslu. Og hvað þýðir það? Það þýðir einfaldlega að bakhlið símans getur hlaðið önnur tæki sem styðja þráðlausa hleðslu. Þannig er hægt að hlaða Galaxy Buds þráðlausu heyrnartólin sem fylgja með öllum forseldum tækjum beint í gegnum símann, eða hreinlega hjálpa vin í vanda sem er að verða rafhlöðulaus og skella símanum hans upp við þinn síma, þá byrjar hann að hlaða sig.

Samsung Galaxy S10 lendir hjá okkur 8.mars og forsalan er hafin. Með öllum S10 seldum í forsölu fylgir Samsung Galaxy Buds þráðlaus heyrnartól sem kynnt voru á sama tíma. Um er að ræða glæný heyrnartól sem eru smærri en fyrri útgáfur frá Samsung og lofa frábæru hljóði. Einnig fylgir 14 daga prufuáskrift að Sjónvarpi Símans Premium og Samsung hulstur fyrir símann.

Samsung Galaxy S10+

Plúsinn, stóri bróðir S10 var einnig kynntur til leiks. Um er að ræða eins síma og S10 nema með nokkrum auka eiginleikum, enda stóri bróðir. Fyrst má nefna að síminn er stærri og skjárinn því 6.4″.

S10+ er með tvær myndavélar að framan í stað einnar eins og S10, þar hafa Samsung bætt við 8 MP RGB dýptar myndavél sem hjálpar til við að gera sjálfurnar enn skarpari og betri.

Hann er svo með 12 GB af vinnsluminni og er fáanlegur í 128 GB, 512 GB og 1 TB (terabyte). Það vantar ekki geymsluplássið hér á bæ.

Forsalan er hafin í vefverslun Símans og S10+ lendir svo formlega þann 8.mars. Með öllum forseldum S10+ fylgja Samsung Galaxy Buds þráðlaus heyrnartól, 14 daga prufuáskrift að Sjónvarpi Símans Premium og Samsung hulstur fyrir símann.

Samsung Galaxy 10e

Litli bróðir S10 og S10+ var svo formlegur kynntur til leiks líka. Um er að ræða frábært tæki sem hefur allt það besta frá eldri systkinum sínum, á lægra verði.

S10e er með 5.8″ skjá, sem mörgum finnst hin fullkomna stærð af snjallsíma. Skjárinn er FullHD+ og styður HDR10+ eins og eldri systkini sín. S10e er ekki of stór, ekki of lítill. Síminn er með 10 MP sjálfumyndavél að framan, tveim myndavélum á bakhlið þar sem önnur er 12 MP víðlinsu myndavél en hin 16 MP ofurvíðlinsuvél og heyrnartólatengið er á sínum stað.
Forsalan á Samsung Galaxy S10e er hafin og tækin lenda 8.mars. Með öllum forseldum S10e fylgir Samsung hulstur og 14 daga prufuáskrift að Sjónvarpi Símans Premium.


Allt

Sjónvarp Símans Premium í janúar

16/01/2019 • By

Janúar er kannski rólegur hjá mörgum en það er ekki hægt að segja það sama um Sjónvarp Símans Premium. Það er fullt af spennandi efni að bætast við í janúar og allir ættu að finna efni við sitt hæfi. Hér höfum við tekið saman brot af því efni sem bætist við í janúar.

Escape at Dannemora

Leikkonan Patricia Arquette hlaut Golden Globe verðlaunin fyrir frammistöðu sína í þáttaröðinni en hún var að koma inn í heild sinni í Sjónvarp Símans Premium. Hinn þekkti leikari Ben Stiller leikstýrir þáttunum sem byggjast á sönnum atburðum sem áttu sér stað árið 2015 þegar að tveir dæmdir morðingjar náðu að strjúka úr fangelsi í New York ríki.
Fjöldi þekktra leikara fara með hlutverk í þáttunum eins og Paul Dano, Benicio del Toro, David Moore.

The F-Word

Hinn kjaftfori skoski kokkur Gordon Ramsey stýrir hér skemmtilegri keppni þar sem venjulegar fjölskyldur fá tækifæri til að sanna færni sína í eldhúsinu. Og hann má nota f-orðið eins og hann vill.
Heil þáttaröð er nú komin inn í Sjónvarp Símans Premium.

Black Monday – 21.janúar

Nýir gamanþættir sem fjalla um 19. október 1987 sem kallaður er Svarti-mánudagur í sögu Wall Street en þá hrundi allt. Engin veit hver olli hruninu fyrr en nú. Don Cheadle leikur hér aðalhlutverkið ásamt Andrew Rannels og Reginu Hall um hóp fólks sem ekki er hluti af elítu Wall Street sem náði að láta stærsta fjármálamarkað heims hrynja. Þættirnir byrja 21.janúar en við setjum þá inn í Sjónvarp Símans Premium daginn eftir að þeir eru frumsýndir í Bandaríkjunum.

Lifum lengur – 22.janúar

Lifum lengur eru þættir um hvernig við getum axlað ábyrgð á eigin heilsu og vellíðan. Hvað er það sem gerir okkur heilbrigðari? Hvernig breytum við okkar eigin lífi til betri vegar?
Markmiðið með þáttunum er að hafa áhrif á fólk og að nálgast viðfangsefnið á jákvæðann og fræðandi hátt þrátt fyrir að margar staðreyndir sem í þeim koma fram geti verið sláandi.
Öll þáttaröðin kemur inn í Sjónvarp Símans Premium þann 22. janúar.

Af öðru efni sem kemur inn í Sjónvarp Símans Premium í janúar má nefna aðra þáttaröðina af The Orville, Bachelor byrjar aftur í sýningum í nýrri þáttaröð, Good Trouble, The Fam og The Passage eru svo nýir þættir sem við bíðum spennt eftir að sjá.

Fyrir áhugasama eru svo hér listi yfir kvikmyndir sem bætast við í Sjónvarp Símans Premium í janúar :

Get Shorty – 4. janúar

Valkyrie – 4. janúar

Legally Blonde – 4. janúar

Legally Blonde 2 – 4. janúar

Pain & Gain – 4. janúar

Columbiana – 4. janúar

Detroit – 4. janúar

The Aristocats – 4. janúar

Transformers – 11. janúar

Transformers: Revenge of the Fallen – 11. janúar

Transformers: Dark of the Moon – 11. janúar

Transformers: Age of Extinction – 11. janúar

Emperor‘s New Groove – 11. janúar

Kronk‘s New Groove – 11. janúar

Rush Hour 3 – 18. janúar

Happy Gilmore – 18. janúar

World War Z – 18. janúar

Tron – 18. janúar

Definately Maybe – 25. janúar

Nightcrawler – 25. janúar

Tron: Legacy – 25. janúar


Allt

Skínandi skærar jólagjafahugmyndir

20/12/2018 • By

Það er stutt í jólin og vonandi við sem flest að verða tilbúin fyrir jólin með öllu sem þeim fylgir. Jólin koma samt alltaf, óháð hvort maður sé búinn að öllu og mestu skiptir að njóta samverunnar með sínu fólki.
Það hefur fullt af fólki kíkt við í verslanir Símans fyrir þessi jólin og nælt sér í harða pakka til að setja undir jólatréð.

Ef þig vantar hugmyndir fyrir þessa síðustu gjöf, fyrir manneskjuna sem á allt eru hér nokkrar hugmyndir, í engri sérstakri röð. Allt eru þetta vörur sem hafa selst vel fyrir jólin og eru líklegar til að vekja lukku.

Jólagjafahugmyndir
  1. Samsung Galaxy S9 – Sannkölluð ofurhetja! Verð : 104.990 kr.
  2. Polaroid prentari – Prentaðu myndirnar úr símanum þráðlaust úr þessum litla prentara. Hvílík tækni! Verð : 19.990 kr.
  3. Tosing kareoke hljóðnemi – fyrir stjörnuna sem býr innan í okkur öllum. Verð : 6.990 kr.
  4. Cutty Clock – frábær fyrsta klukka, er líka náttljós fyrir þau yngri sem halda Grýlu leynast í myrkrinu. Verð : 4.990 kr.
  5. iPhone XR – Sannkallaður eðalsteinn frá Apple. Verð : 124.990 kr.
  6. Samsung Galaxy Watch – Ekki dæma bókina út frá kápunni. Galaxy Watch lítur út eins og venjulegt úr, en er stórsnjallt! Verð frá 49.990 kr.
  7. Apple Watch – Nýjasta útgáfan af snjallúrinu frá Apple sem allir virðast vilja. Verð frá 74.990 kr.
  8. Huawei Mate 20 Pro – Þreföld Leica myndavél og innbyggður fingrafaraskanni í skjánum. Verð : 149.990 kr.
  9. Playstation Classic – Þessi gamla góða, með 20 innbyggðum leikjum og tveimur stýripinnum. Verð : 16.990 kr.
  10. DJI Tello dróni – Léttur og nettur dróni með innbyggða HD myndavél. Verð : 19.990 kr.

Allt

Sjónvarp Símans Premium í vetur

01/10/2018 • By

Sjónvarpsveturinn er hafinn í Sjónvarpi Símans Premium en á næstu vikum eigum við von á yfir 40 þáttaröðum. Haustlægðirnar eru byrjaðar að láta á sér kræla, gular viðvaranir verða reglulegri og því tímabært að koma sér vel fyrir í sófanum, setja poppið í skálina og tærnar upp í loft.

This Is Us

Þáttaröð sem beðið hefur verið eftir með óþreyju! Fær 8.8 í einkunn á IMDB og spilar allan tilfinningaskalann eins og hann leggur sig. Margir tala um að This is Us séu einhverjir bestu þættir síðari ára. Við erum að sigla í þriðju þáttaröðina þannig að ef þú átt þessa þætti eftir er um að gera að hámhorfa fyrstu tvær þáttaraðirnar sem bíða þín í Sjónvarpi Símans Premium.

F.B.I

Spennandi léttmeti um alríkislögregluna í Bandaríkjunum sem sýna okkur hvernig vitsmunir og tæknin leysa flókin og torveld viðfangsefni ásamt því auðvitað að bjarga Bandaríkjunum frá glötun. Ný þáttaröð frá sjálfum Dick Wolfe sem færði okkur Law & Order sem flestir Íslendingar þekkja.

Single Parents

Hvað gerist þegar að hópur einstæðra foreldra kemur sér upp stuðningsneti til að leita ráða hjá hvort öðru varðandi uppeldi barnanna og samskipta við hitt kynið? Jú, sjónvarpsþáttur um mæðratips hópinn á Facebook.

A Million Little Things

Af mörgum talin ein af stærri þáttaröðum vetrarins en þættirnir svipa til This is Us. Segir frá vinahópi sem ætlar að njóta lífsins betur og hugsa betur um náungann eftir að einn úr hópnum tók sitt eigið líf.

The Good Place

Ertu farinn til himna eða helvítis? Munurinn er kannski ekki eins mikill og að þú heldur. Gamanþáttur sem hefur fengið einróma lof og Emmy tilnefningar með Kirsten Bell og hinum eina sanna Ted Danson í aðalhlutverkum.

The Voice

The Voice snýr aftur og leitin að næstu stórstjörnu Bandaríkjanna er hafin! Rauði hnappurinn, snúningsstólarnir eru á sínum stað og þjálfarar í þetta sinn eru Adam Levine, Blake Shelton, Jennifer Hudson og Kelly Clarkson.

Survivor

Ótrúlegt en satt að þá er Survivor enn í fullum gangi og hann hefur sjaldan eða aldrei verið jafn vinsæll. 37 þáttaröðin er hafin og nefnist hún Davíð gegn Golíat. 20 strandaglópar en aðeins einn sigurvegari.

Þetta er aðeins brotabrot af öllu því efni sem kemur inn í Sjónvarp Símans Premium í vetur. Við munum forsýna enn fleiri þætti en áður, sem þýðir að þeir koma inn í efnisveituna okkar daginn eftir að þeir eru sýndir erlendis. Af öðru efni sem er að koma inn má nefna :

Younger
Alone Together
Myans MC
Kidding
Rel
9-1-1
The Resident
Bull
The Gifted
American Housewife
Lee Daniel´s Star
New Amsterdam
How To Get Away With Murder
Chicago Med
The Cool Kids
MacGyver
Blue Bloods
Law & Order: SVU
The Neighborhood
Happy Together
SEAL Team
Station 19
Speechless
Will & Grace
Superstore
The Walking Dead
Madam Secretary
Crazy Ex-Girlfriend
Charmed
The Kids Are Alright
Black-ish
Ray Donovan

Og listinn gæti haldið áfram og áfram. Við erum spennt fyrir þessum sjónvarpsvetri og það eru fleiri spennandi hlutir væntanlegir.


Allt

Hvaða Bond ert þú?

06/09/2018 • By

Allar já allar James Bond myndirnar eru komnar inn í Sjónvarp Símans Premium. Allt frá Dr. No frá 1962 til Spectre sem kom út árið 2015.

Við skelltum í stutt persónuleikapróf, hvaða Bond ert þú?