Leiðbeiningar til að fá inn HD EM stöðina

Allt, Sjónvarp ,Ummæli (0)

Sú breyting hefur orðið á dagskránni að Vodafone EM rásin verður á rás 223. Á rás 224 mun sama dagskrá vera í gangi nema efnið verður sent út í háskerpu. Til þess að fá hana inn á myndlykilinn þarf að skrá sig í HD áskrift. Hún kostar 0 kr, en það þarf engu að síður að skrá sig. Það er hægt að gera það á einfaldan hátt á Þjónustuvef Símans eða með því að hringja í 8007000. Að því loknu þarf að endurræsa myndlykilinn. Viðskiptavinir með Ljósnetstengingu eiga möguleika á HD áskriftinni, aðrir gætu þurft að athuga það með því að fylgja eftirfarandi leiðbeiningum.

1. Fara inn á Þjónustuvef Símans.
2. Smella á Sjónvarp og Áskrift.

3.  Smella á Breyta áskrift
4.  a) Ef þú hefur möguleika á HD áskrift þá birtist hún og þú hakar við til að fá hana inn.

4. b) Ef þú átt ekki möguleika á HD áskrift þá færðu eftirfarandi skilaboð

5. Endurræstu lykilinn. ATH: Það getur tekið allt að klukkustund fyrir áskriftarbreytingu að ganga í gegn.

Um 70-80% af viðskiptavinum með Sjónvarp Símans eiga möguleika á háskerpuútsendingum. Til að tryggja bestu myndgæðin er best að tengja myndlykilinn við sjónvarp með HDMI snúru.

Ef einhverjar frekari spurningar vakna má hafa samband við 8007000.

Hjalti Rögnvaldsson @ January 16, 2012

Auka EM rás í Sjónvarpi Símans

Allt ,Ummæli (3)

Sjónvarp Símans sendir út sérstaka EM rás í samstarfi við RÚV og Vodafone á meðan EM í handbolta stendur yfir í Serbíu. Rásin, sem heitir Vodafone EM,  sendir út  í opinni dagskrá það efni sem ekki verður sýnt á RÚV.  Aukaefnið verður aðgengilegt á  rás 224 hjá viðskiptavinum Símans sem eru með Sjónvarp Símans. Dagskrá hennar verður einnig send út í háskerpu á rás 223.

Sem fyrr segir er rásin viðbót við umfangsmikla handboltaumfjöllun RÚV af mótinu þar sem leikir íslenska landsliðsins munu spila stóran sess enda allir leikir landsliðsins sendir út á RÚV

Í einhverjum tilfellum verða sömu leikir sýndir á Vodafone EM og hjá RÚV og í þeim tilvikum sem RÚV sendir út seinni hálfleik eftir kvöldfréttir mun fyrri hálfleikur verða aðgengilegur í gegnum aukarásina.

Til þess að fá inn rásirnar þarf að endurræsa myndlykil Sjónvarps Símans og sem fyrr segir er aukarásina að finna númer 224 og 223 í HD.

Hjalti Rögnvaldsson @ January 13, 2012

Sony án Ericsson með nýtt tæki

Allt ,Ummæli (1)

Leiðir skildu fyrir skemmstu milli Ericsson og Sony og heldur japanski risinn áfram með þróun og markaðssetningu á símtækjum og það fyrsta þar sem Sony er eitt síns liðs er komið út. Samkvæmt því sem blaðamaður CNET sá er um að ræða afar áhugaverðan og vel búinn síma. Skjárinn feykilega skarpur, örgjörvinn öflugur og myndavélin er 12 megapixlar. Ef linsan fylgir þessu eftir er hér komið tæki sem ætti að jafnast á við hefðbundnar myndavélar. Í greininni kemur fram að það verði með vorinu sem tækið kemur á markað í Evrópu.

Sjá nánar

Einar Haukur Reynis @ January 13, 2012