Browsing Category

GSM

Apple, GSM, iPhone

iPhone 6s forsalan er hafin!

02/10/2015 • By

Í dag byrjar forsalan á iPhone 6s og iPhone 6s Plus. Um takmarkað magn er að ræða en aðeins verða forseld þau tæki sem við vitum með vissu að koma til landsins í fyrstu sendingu. Tækin verða svo afhent föstudaginn 9.október eða viku síðar.

Þessi nýju tæki sem eru nú þegar komin í sölu í Bandaríkjunum hafa verið að fá frábæra dóma hjá tæknipressunni, einhverjir segja að um besta snjallsíma í heimi sé að ræða og margir lofa nýju 3D Touch virknina. Verður virkilega áhugavert að fylgjast með hvernig þeir sem þróa öpp og leiki munu nýta þá virkni ásamt því að myndavélin, sem fyrir var frábær er orðin enn betri og bíður nú upp á 4K upptöku.

iPhone 6s forsalan er í öllum verslunum Símans sem og í Vefverslun Símans.


Allt, Apple, Fróðleikur, GSM, iPhone, Tæki & Tól

Hvað var Apple að kynna?

10/09/2015 • By

Apple kynningu dagsins er nú lokið, margir búnir að bíða spenntir eftir hver tíðindi dagsins yrðu en nú liggur þetta nú allt fyrir. Uppfærðir iPhone símar eins og allir áttu von á, nýr iPad mini, enn stærri iPad sem kallast iPad Pro og uppfært AppleTV sem er enn öflugra og með enn fleiri möguleikum en áður.

iPhone
iPhone 6s og iPhone 6s Plus eru nýju símarnir. Með uppfærðu innvolsi og 12MP myndavél innanborðs í stað 8MP áður ásamt nýrri virkni sem kallast 3D Touch sem nemur hversu fast ýtt er á skjáinn og þannig opnast möguleikar og stillingar eftir því hvernig er ýtt á skjáinn. 12MP uppfærslan kemur líka með 4K upptöku, sem er gott. Útlitslega eru þetta klassískir iPhone símar og engar stórvæilegar breytingar gerðar á ytra útliti. Gárungarnir segja oft að S-ið við iPhone s símana þýði „subtle” eða smávægilegt enda verið að gera smávægilegar uppfærslur með þau tæki í stað þess að taka stór stökk eins og oft eru gerð á milli kynslóða.

Ekki er vitað nákvæmlega hvenær nýju iPhone símarnir koma í sölu á Íslandi en við munum rækilega láta vita af því þegar við vitum nánari dagsetningar.

6splus

iPad
Spjaltölvurnar fá líka uppfærslu en fjórða kynslóð iPad mini var kynnt og nú er öflugri örgjörvi innanborðs ásamt betri myndavél.

„Í dag kynnum við stærstu iPad fréttirnar síðan við kynntum iPad fyrst” sagði Tim Cook forstjóri Apple, hann meinti það mögulega bókstaflega en iPad Pro er 12,9 tommu spjaldtölva sem er eiginlega smá blanda af spjaldtölvu og fartölvu. Hægt er að nota lyklaborð og Apple kynnti penna til leiks sem búinn er allskyns skynjurum sem á að vera leikur einn að nota. Vélinni svipar til Microsoft Surface fyrir þá sem þekkja þær en þó samt ekki. Microsoft stigu á svið og sýndu hvað vélin hentar vel í Office umhverfinu þeirra.

ipad-pro-1200-1

Apple TV
Það mætti segja að AppleTV boxið sé nú orðið fullorðið en hingað til hafa Apple alltaf sagt litla svarta boxið vera áhugamál. AppleTV hafa hingað til keyrt iOS, sama stýrikerfi og símarnir og spjaldtölvurnar en án möguleikans að sækja öpp en loksins er sá möguleiki komin með nýju stýrikerfi sem Apple kalla tvOS. Stýrikerfið byggir á iOS og bætir við mögleikanum að setja inn öpp, fjarstýringin er uppfærð með snertifleti svo hægt er að skrolla þægilega í gegnum allt og Siri hjálpar til við að leita af efni til að horfa á. Tækið styður iTunes, Netflix, Hulu og Showtime streymisþjónusturnar ásamt því að spila tölvuleiki.

appletv2

 


3G, Fróðleikur, GSM

iOS 7

18/09/2013 • By

Í dag kemur nýjasta útgáfa iOS stýrikerfisins á markað, beðið hefur verið eftir þessari uppfærslu af mikilli eftirvæntingu enda hérna um að ræða stærsta stökk Apple með iOS stýrikerfið frá því að það kom á markað.

Búið er að breyta mjög miklu í stýrikerfinu, ekki bara útlitslega heldur líka í virkni. Apple fara ágætlega yfir hvaða nýjungar eru í boði hér.

Uppfærslan verður þó ekki aðgengileg fyrir öll tæki sem keyra iOS. iPhone 4 og nýrri útgáfur fá uppfærslu og önnu kynslóð iPad og nýrri ásamt iPad mini. Fimmta kynslóð iPod Touch fær svo líka uppfærslu og lengra nær það ekki.

iOS 7 ætti að verða aðgengilegt til uppsetningar seinna í dag og því gott að renna yfir nokkra hluti áður en það verður hægt.

– Takið afrit af símanum ykkar. Ef eitthvað klikkar við uppfærsluna er nauðsynlegt að eiga afrit af öllum helstu gögnum.

– Uppfærið öppin sem þegar eru á símanum. Síðustu vikur hafa uppfærslur verið að koma með iOS 7 stuðningi, gott að koma þeim uppfærslum frá strax.

– Nýtið tækifærið og hendið út öppum sem þið notið aldrei.

ios-7-logo


3G, Allt, GSM, iPhone

4G styrkir öflugasta farsímakerfi landsins enn frekar

14/03/2013 • By

Meiri hraði, meira magn. Það hefur verið krafa viðskiptavina Símans sem hann hefur mætt með öflugasta 3G kerfi landsins. Nú ætlum við enn að efla þetta dreifikerfi með 4G tækninni og tryggja viðskiptavinum okkar frábært netsamband á ferðinni.

4G verður í boði þegar líður á árið og það ætti ekki að fara framhjá neinum þegar við störtum sendunum. En hafðu þó í huga að rétta búnaðinn þarf fyrir 4G og 1800 tíðnina. Við höfum þó tryggt að úrvalið verði gott því við hjá Símanum völdum 1800 tíðnibandið. Það er algengasta tíðnin í Evrópu og því ættu tæki keypt í Evrópu að virka á kerfinu okkar. Þeir sem hafa áhuga geta flett upp símum á GSM Arena, eða leitað til okkar, til þess að sjá hvort þeirra eða hvaða símar styðja 4G á 1800 tíðnibandinu.

Flest þekkjum við að iPhone 5 eru sagðir virka á 4G og líklega eru margir iPhone 5 eigendur forvitnir að vita hvenær þeir geta notað 4G tæknina. Það verður þegar Apple hefur sjálft prófað kerfið okkar og opnað fyrir þann möguleika í símanum. Þetta gildir jafnt um öll fjarskiptafyrirtæki, hvar sem er í heiminum.


Android, Fróðleikur, GSM, iPhone

Snjallsímanámskeið alla þriðjudaga

11/01/2013 • By

iPhone_5_white_lVegna mikilla vinsælda höfum við ákveðið að halda fleiri snjallsímanámskeið. Mætingin á námskeiðin hefur verið frábær og margar góðar spurningar komið fram.

Námskeiðin verða haldin alla þriðjudaga héðan af í verslun Símans, Ármúla 27, og mun námskeiðunum vera skipt í Android námskeið annars vegar og iPhone námskeið hins vegar. Android notendur mæta klukkan 17:00 en iPhone notendur klukkan 18:00.

Farið verður í gegn um helstu atriði sem gott er að vita auk þess sem við mælum með þeim öppum sem okkur finnst mikilvægust og skemmtilegust hverju sinni.

Námskeiðin eru ókeypis og við hvetjum alla til þess að mæta og læra meira á símann sinn. Skráning á námskeiðinn fer fram á vefslóðinni siminn.is/namskeid.


Fróðleikur, GSM

Snjallsímanámskeið í desember og janúar

10/12/2012 • By

Áttu iPhone, Android, Windows Phone eða annan snjallsíma? Langar þig að læra meira á hann? Skráðu þig á snjallsímanámskeið!

Í tilefni af snjallsímajólunum 2012 ætlum við að bjóða þér að koma og fá kennslu á símann þinn. Ekki verður um eiginlegan fyrirlestur að ræða heldur verður fyrirkomulagið bara létt og skemmtilegt. Farið verður yfir helstu stillingar í símum, póstforrit og svo með hvaða öppum við mælum.

Námskeiðin eru haldin í verslun Símans, Ármúla 27 klukkan 17 og 18 og hægt er að skrá sig á eftirfarandi dagsetningar:

Desember
Þriðjudagur 11. desember
Fimmtudagur 13. desember

Janúar
Mánudagur 7. janúar
Miðvikudagur 9. janúar
Föstudagur 11. janúar

Það er því ekki eftir neinu að bíða. Skráðu þig eða fjölskylduna á snjallsímanámskeið hjá Símanum. Skráningar fara fram hér á Jólavef Símans.


3G, Fróðleikur, GSM, Netið

Microsoft og snjallsímastríðið

20/11/2012 • By

Microsoft menn voru nokkuð seinir til í snjallsímastríðinu en þeir eru þó með í því engu að siður og nú blása þeir til sóknar. Og nú af alvöru.

Windows Phone 8, nýjasta útgáfa af stýrikerfi þeirra fyrir snjallsíma er núna að koma á markað og fyrstu prófanir okkar lofa góðu. Fyrri útgáfur af Windows Phone, útgáfur 7 og 7.5 voru góðar, stýrikerfið er ótrúlega fallegt, einfalt í notkun og viðmótið allt hið árennilegasta. Veikasti blettur Windows Phone hefur verið úrvalið af forritum fyrir símana sem þó er að lagast nokkuð þéttum skrefum. Bæði Android og iOS sem keyrir iPhone og iPad hefur haft talsvert forskot í að koma sér upp góðum fjölda af forritum sem hægt er að hlaða niður á tækin, eitthvað sem skiptir máli í dag enda fjöldinn allur af forritum til sem gera góðan síma enn betri.

Við höfum verið að prófa flaggskip Nokia, hinn fallega Lumia 920, HTC Windows Phone 8x og spjaldtölvuna frá Microsoft sem kallast Surface. Símanir tveir eru frábærir, á ólíkann hátt en það verður að segjast að Surface hefur komið hvað mest á óvart. Tækið er talsvert betra en sá sem þetta skrifar átti von á.

Nokia Lumia 920 í snúrulausri hleðslu

Ítarlegar prófanir standa nú yfir með almennu fikti og nördaskap og verður skrifað um það nánar síðar þegar að lengri tími hefur liðið.

Microsoft Surface RT og HTC Windows Phone 8X


Fróðleikur, GSM, Hugbúnaður

Íslenska í snjallsímum

11/10/2012 • By

Fyrir okkur Íslendinga er nauðsynlegt að geta haldið uppi samskiptum á okkar ástkæra ylhýra, sama hvort það sé í máli eða rituðum texta. Með snjallsímavæðingunni hefur okkar litla tungumál verið með næstum því frá upphafi en þó hafa mikil og stór skref verið stigin síðustu mánuði sem gott er að benda á og upplýsa eigendur snjallsíma um.

Íslenska hefur verið hluti af Android stýrikerfinu frá Google næstum því frá byrjun þökk sé litlu forriti sem heitir Scandinavian Keyboard. Hver notandi þurfti þó að sækja það forrit sérstaklega og setja upp svo að íslenskir stafir væru aðgengilegir á lyklaborðinu en með tíð og tíma bættist íslenskan við grunnvirknina hjá flestum ef ekki öllum framleiðendum Android síma. Fljótlega kom líka orðabók sem fengin var frá Orðabók Háskólans sem auðveldaði allan innslátt og flýtti fyrir honum en þar var þó engin sérstök virkni bakvið tjöldin sem reyndi að giska á hvað notandinn myndi slá inn næst með tilliti til þeirra orða sem búið var að slá inn fyrir.

Núna er þó loksins komið forrit fyrir Android síma sem auðveldar innslátt verulega og getan í því forriti er það mikil að allur innsláttur verður enn hraðari, stafsetningin réttari og því enn auðveldara en nokkru sinni fyrr að skrifa inn íslenskan texta á Android síma. Forritið Swiftkey sem hefur unnið fjölda verðlauna og trónir á toppi Play Store í 25 löndum gerir okkur kleift að gera þetta. Við hjá Símanum getum ekki annað en mælt heilshugar með þessu forriti. Það er hægt að hafa nokkur tungumál í gangi í einu og því lítið mál að skipta á milli íslensku og ensku eða enn fleiri tungumála sé vilji fyrir því, eitthvað sem hentar fjöltyngdum notendum vel eða þá bara þeim sem vilja slá um sig með t.d. dönsku slettum.

Swiftkey með íslensku lyklaborði

Nýlega bættist svo enn önnur snilldin við Android en þá settu Google í loftið íslensku stuðning fyrir voice input (mögulegt nýyrði gæti verið raddinnsláttur). Það þýðir að hægt er að tala við símann það sem annars væri slegið inn sem flýtir enn meira fyrir öllum innslætti. Það er lygilegt hversu vel þessi tækni virkar og enn magnaðra að tungumálið okkar sé komið þarna inn. Það má þó þakka nokkrum Íslendingum bæði hjá Háskólanum í Reykjavík og Google.

Íslenskur raddinnsláttur

iPhone og iPad eigendur hafa þangað til nýlega með tilkomu iOS 6 verið aðeins verr settir en Android notendur þegar kemur að góðum Íslensku stuðningi en núna loksins er lyklaborðið orðið gott og með fullan stuðning fyrir íslenskt lyklaborð. Þar er líka sú virkni að tækið reynir að giska á hvað notandinn er að reyna að skrifa sem flýtir fyrir innslætti og hvetjum við allar eigendur iPhone og iPad til að uppfæra í iOS6 og nýta sér þetta virkni.

Swiftkey er aðgengilegt í Play Store fyrir alla Android síma og spjaldtölvur og kostar $3.99 en hægt er að prófa 30 daga prufuútgáfu sem ætti að vera nægur tími til að átta sig á hversu frábært þetta forrit er.


Android, GSM, Samstarf

Síminn og RIFF

26/09/2012 • By

Annað árið í röð eru Síminn einn af samstarfsaðilum kvikmyndahátíðarinnar Reykjavík International Film Festival (RIFF). Síminn kemur inn með sína tæknilega þekkingu og leggur hátíðinni til snjallsímaforrit sem er í boði fyrir bæði Android og iPhone síma. Forritinu er ætlað að einfalda gestum að skipuleggja sig á meðan á hátíðinni stendur og draga betur fram allt það skemmtilega sem RIFF býður upp á.

Í appinu er meðal annars hægt að sjá yfirlit yfir allar þær myndir sem sýndar eru á hátíðinni.  Það er hægt að skoða alla sýningartíma og hvar myndirnar eru sýndar. Þá er hægt að velja þær myndir sem þér finnst áhugaverðastar og setja saman í þína dagskrá. Þar að auki er hægt að skoða alla sýningarstaði á korti og sjá yfirlit yfir alla þá frábæru viðburði sem eru í gangi á meðan hátíðinni stendur.

Smelltu hér til að sækja appið.

Síminn er stoltur af því að tengjast þessari hátíð og erum handviss um að hátíðin muni halda áfram að vaxa og dafna á næstu árum og við vonum að appið muni hjálpa til við að gera hátíðina enn betri.


3G, GSM, Hugbúnaður, Svona gerum við...

QR kóðar

01/09/2010 • By

Stundum birtast svokallaðir QR kóðar hér á bloggi Símans eins og þessi hér fyrir ofan. QR kóðar innihalda texta sem að síminn þinn skilur og vísar þér á eitthvað efni á netinu ásamt öðrum eiginleikum.

Þægilegt er að nota QR kóða til að spara tíma við að skrifa inn langa vefslóð á símann sinn. Það þarf sérstakt forrit til að lesa QR kóða, margir símar koma þó með slík forrit fyrirfram uppsett frá framleiðanda en annars má finna QR lesara frítt fyrir flesta síma.

Android notendur geta notað t.d. Barcode Scanner og Google Goggles sem fá má á Android Market.

iPhone notendur geta svo t.d. notað QR Reader. (Linkur opnar AppStore).

Þetta gæti ekki verið einfaldara. Keyrið upp lesara og prófið að lesa QR kóðann í þessari færslu.