Browsing Articles Written by

Guðmundur Jóhannsson

Allt

Jólagjöfin í ár

15/12/2017 • By

Jólaverslunin hefur farið vel af stað hjá okkur, þetta verða sannkölluð SIM korta jól. Margir sem ætla að hafa harða pakka undir jólatrénu, gefa eitthvað snjallt eða hjálpartæki fyrir tónelskendur.

Okkur datt því í hug að taka saman hvað hefur verið vinsælast fyrir þessi jól, í engri sérstakri röð.

1) iPhone X. Snjallsíminn enduruppgötvaður segja Apple, kannski eitthvað til í því enda magnað tæki. Með iPhone X fyrir jólin fylgir þráðlaus hleðslumotta að verðmæti 6.490 kr og 150 GB af gagnamagni.

2) AppleTV 4K. Nýjasta útgáfan af AppleTV nú með 4K og HDR stuðningi. Frábært fyrir Netflix, YouTube og allar hinar streymisþjónusturnar.

3) iPhone 8 og iPhone 8 Plus. Snarpari og stílhreinni en nokkru sinni fyrr og nú með þráðlausri hleðslu. Með iPhone 8 og 8 Plus fyrir jólin fylgir þráðlaus hleðslumotta að verðmæti 6.490 kr og 150 GB af gagnamagni.

4)  Samsung Galaxy S8 og Samsung Galaxy S8 Plus. Mögulega fallegustu snjallsímar sem komið hafa út en með þeim fyrir jólin fylgja Samsung IconX þráðlaus heyrnartól að verðmæti 34.990kr og 150GB af gagnamagni.

5) Apple AirPods. Lauflétt þráðlaus heyrnartól, nauðsynleg nú þegar að heyrnartólatengið er að hverfa úr símum.

6) Kareoke hljóðnemi. Tengdu hljóðnemann við símann yfir bluetooth og einn,tveir,þrír þú átt sviðið!

7) Soundboks. Ferðahátalari sem kemst upp í ellefu, sprengir skalann og breytir garðveislu í útihátíð.

8) Spjaldtölvur, og þá helst Samsung Tab S3 og iPad. Eðlilega enda frábær tæki.

9) Tinitell krakkasími. Snjallari og einfaldari síma er ekki hægt að finna, frábær fyrsti sími.

10) Fitbit Alta mælir allt, alla hreyfingu sem og svefn.

11) Bose QC35, heyrnartól með frábærri „noise canceling” virkni sem eyðir út umhverfishljóðum. Flugferðir og langar bílferðir hafa aldrei verið betri.

 


Allt

Ilmurinn úr eldhúsinu – Jói Fel

28/11/2017 • By

Í kvöld, er annar þáttur af Ilmurinn úr eldhúsinu á dagskrá í opinni dagskrá auðvitað í Sjónvarpi Símans.

Jói Fel eldar dásamlega rétti og sýnir okkur hvernig á að matreiða girnilegar villibráðar bruschettur, hreindýrafille með girnilegu meðlæti.

Og uppskriftirnar? Þær eru hér.

Villibráðar bruchettur

Ristað brauð, eitthvað gott brauð

Smjör

Hunang

Balsamikedik

Truffluolía

Villibráð t.d. gæs, önd eða hreindýr

Garðablóðberg

Látið garðablóðberg utan um kjötið, brúnið smjör mjög mikið á pönnu og eldið kjötið þar til það er vel brúnað. Takið af hitanum og kælið við stofuhita. Skerið í mjög þunnar sneiðar.

Ostar að eigin vali

Rifsberjasulta

Fallegt, blandað salat

Jarðarber, bláber eða önnur ber eftir smekk

 

Hreindýrafile

Hreindýrakjöt

Pekanhnetur

Sykur

Létt brúnið pekanhnetur á pönnu og setjið 2-3 msk sykur saman við og veltið hnetunum vel uppúr karmellunni. Setjið á álpappír og kælið.

Kjötið stendur úti við stofuhita með garðablóðbergi.

Athugið að þrífa ekki pönnuna eftir hneturnar.

Kjötið er svo steikt upp úr smjöri, hitið smjörið mjög vel og brúnið kjötið mjög vel á háum hita.

Setjið í eldfast mót og inní c.a 90°-120°C heitan ofn og eldið uppí u.þ.b. 54°. Látið kjötið standa í um 5 mín. hið minnsta áður en það er skorið niður.

 

Bökunarkartöflur 

Skerið kartöflur niður í litla teninga og steikið á pönnu þar til þeir eru vel brúnir. Svo er hægt að hita þá létt upp í restina rétt áður en bera á fram.

 

Villisveppasósa

Athugið að nota helst sömu pönnu áfram sem er ekkert búið að þrífa á milli.

100gr smjör

500gr blandaðir sveppir

30gr þurrkaðir villisveppir, maukaðir mjög smátt

1 dl portvín

3 dl villibráðasoð

1/2 l rjómi

Gráðostur

Rifsberjahlaup

Salt og pipar

Steikið sveppi upp úr smjöri og brúnið vel ásamt villisveppum, setjið þá vínið saman við og sjóðið niður. Blandið villibráðasoðinu saman við og látið suðuna koma upp. Setjið þá rjóma saman við ásamt gráðosti og sultu. Látið suðuna koma upp og slökkvið svo undir, kryddið með salti og pipar.

Gott er að láta sósuna standa í smá tíma og hita svo upp aftur áður er borin er fram.

 

Bleikur marengs

4 hvítur

250g sykur

1 tsk edik

Vanilludropar

Salt

Rauður matarlitur

Allt þeytt saman í stífan marengs. Setja nokkrar góðar matskeiðar á plötu. 

Ber að eigin vali

Vanilluís

Flórsykur

Myntulauf

Afgangurinn af ristuðu hnetunum

 

Bakið við 100°C í 45 mín. Slökkvið þá á ofninum og látið standa í 30 mín. Kælið vel.

 

Veljið þau ber sem ykkur líkar best við, u.þ.b. 500g.

Berin eru skorin niður og steikt á pönnu. Kreistið sítrónusafa yfir og setjið smá hunang saman við. Maukið berin lítillega og berið svo fram við stofuhita.

Setjið marengsinn á disk og væna matskeið af vanilluís yfir.

Flórsykur dassaður yfir til skrauts.

Myntu lauf notuð sem skraut.

Stráið svo afganginum af ristuðu hnetunum yfir.

Verði ykkur að góðu!


Allt

Ilmurinn úr eldhúsinu – Hrefna Sætran

22/11/2017 • By

Jólahátíðin snýst að miklu leiti um mat. Við gerum okkur glaðan dag með okkar nánustu og reiðum fram kræsingar, oft byggðar á gömlum fjölskylduhefðum en prófum líka nýtt inni á milli.

Ilmurinn úr eldhúsinu eru nýir þættir í Sjónvarpi Símans Premium þar sem ólíkir aðilar elda fyrir okkur sinn uppáhalds jólamat. Hér eru uppskriftir úr þættinum hennar Hrefnu Sætran.

Kalkúnninn

3 stk kalkúnabringur

125 g gróft salt

85 g púðursykur

1,5 lítrar vatn

1 msk svört piparkorn

1 tsk einiber

3 cm rifin engiferrót

4 stk lárviðarlauf

2 stk kanilstangir

1,5 lítrar ískalt vatn (klakavatn)
3 stk appelsínur (börkur og kjöt)

Setjið allt hráefnið í pott og hitið þar til saltið og sykurinn er uppleystur. Leyfið vökvanum að kólna og bætið svo ískalda vatninu út í. Leggið kalkúnabringurnar í vökvann og geymið þær yfir nótt í pæklinum inni í ísskáp. Það er líka hægt að leggja þær í pækilinn snemma dagsins sem þið ætlið að elda þær en ég mæli frekar með hinu. Takið svo bringurnar upp úr vökvanum og þerrið þær létt. Eldið þær inní ofni í sirka 30 mínútur á 175° eða þar til kjarnhitinn hefur náð 72°c. Svo er gott að leyfa þeim að standa í svona 10 mínútur áður en þið skerið þær.

Fylling

2 box sveppir (blandaðir)
4 stk shallott
4 hvítlauksrif
2 stilkar sellerí
50 g gráðaostur
8 sneiðar beikon
Valhnetur
Kjúklingasoð
Brauð
Rjómi

Skerið sveppina, laukana og selleríið niður í bita. Skerið líka beikonið niður. Brúnið beikonið í potti upp úr smá olíu. Bætið grænmetinu út í og steikið við miðlungs hita. Bætið svo soðinu út í og sjóðið niður um helming. Bætið svo rjómanum út í, rífið brauð út í, kryddið með gráðaosti, salti og pipar.

Reyktar laxalettur

Bechamelsósa m engifer

2 msk smjör

2 msk hveiti

500 ml mjólk

3 cm engiferrót

2 msk hunang

Salt og pipar

Bræddu smjörið í potti og pískaðu hveitinu saman við. Hrærðu í dálitla stund til að elda hveitið. Helltu svo mjólkinni hægt og rólega saman við og hrærðu í allan tímann til að sósan hlaupi ekki í kekki. Kryddaðu svo til með engiferrótinni, hunanginu og salti og pipar.

10 stk tartalettuform
1 flak reyktur lax
200 g grænar ertur
4 stk stórar kartöflur

Skerðu kartöflurnar með parísarjárni í kúlur eða bara í teninga. Sjóddu svo kartöflurnar í 10 mínútur upp úr saltvatni. Settu kartöflurnar í ísvatn til að þær ofeldist ekki. Skerðu laxinn í bita. Raðaðu svo tartalettuformunum á ofnskúffu. Raðaðu svo laxinum, grænu ertunum og kartöflunum til skiptis ofan í formin og settu sósu yfir og á milli. Bakaðu svo tartaletturnar við 180°c í 10 mínútur.

Gott er að hafa laxinn og allt hráefnið kalt þegar það fer í tartaletturnar til að laxinn ofeldist ekki því hann er betri svona létt eldaður en samt heitur.

Sörur

3 stk eggjahvítur
3 dl flórsykur
4 dl rice krispís

Þeytið eggjahvíturnar þar til þær eru stífar. Bætið flórsykrinum smátt og smátt saman við. Blandið rice krispísinu svo saman við með sleikju í lokin. Setjið með tsk á smjörpappír (gott að smyrja hann aukalega með smjöri svo auðveldara sé að ná kökunum af) og bakið við 180 gráður í 8 mínútur.

6 stk eggjarauður
300 g mjúkt smjör
1 dl sýróp
2 msk kakóduft
1 msk sterkt kaffi

Þeytið rauðurnar í hrærivél. Hellið sýrópinu í mjórri bunu út í hægt og rólega. Þeytið þar til rauðurnar eru dáltið stífar. Skerið smjörið í litla kubba og bætið rólega útí en þeytið áfram á fullu. Bætið svo kakóinu og kaffinu út í í lokin og þeytið alveg í 10 mínútur áfram þar til kremið er létt. Smyrjið kreminu á kalda botnana, kælið Sörurnar og dýfið svo toppnum upp úr bræddu rjómasúkkulaði.

Tvö góð ráð við bakstur.

Takið út smjörstykkið kvöldið áður og geymið það úti á borði yfir nótt svo það sé allt jafn lint þegar þið bakið. Gott er að strjúka innan úr hrærivélarskálinni með smá ediki til að hún verði alveg fitulaus og hrein. Þannig þeytast eggjahvíturnar betur og verða umfangsmeiri.


Allt

Þekkirðu Pabbana í Sjónvarpi Símans Premium?

09/11/2017 • By

Í Sjónvarpi Símans Premium eru yfir 7.000 klukkustundir af allskonar sjónvarpsþáttum og kvikmyndum. Þar er að finna ýmsa feður sem eru jafn misjafnir og þeir eru margir. Hér eru nokkrir eftirminnilegir, en hversu vel þekkir þú þá?

Taktu prófið. Þú gætir unnið Weber iGrill grillmæli til að gefa heppnum föður á feðradaginn. Allir sem fá fullt hús stiga detta í pottinn, þú mátt reyna eins oft og þú vilt. Prófið spyr í lokin um nafn og netfang. Það er gert svo hægt sé að hafa samband við vinningshafann.


Sjónvarp

Ný Sýn og Salka Sól

18/10/2017 • By

Í gær hóf Ný Sýn aftur göngu sína í Sjónvarpi Símans. Fyrir þá sem misstu af þættinum er hann auðvitað komin inn í Sjónvarp Símans Premium.

Fyrsti viðmælandinn í þessari annarri þáttaröð er Salka Sól. Hún segir frá einelti sem hún varð fyrir í æsku í hreinskilnu spjalli við Hugrúnu Halldórsdóttur.

„Auðvitað fundu foreldrar mínir og fólkið í kringum mig að ég var ekki sami glaði krakkinn og ég hafði alltaf verið” segir Salka Sól sem dæmi um eineltið sem hún varð fyrir í skóla. Sölku fannst skylda sín verandi ung kona með rödd í okkar samfélagi að segja sína sögu, í þeirri von að hún muni hjálpa einhverjum öðrum þarna úti.

Við þökkum Sölku fyrir að taka slaginn!

Ekki missa af næsta þætti, Ný Sýn er á dagskrá þriðjudaga í Sjónvarp Símans og þættirnir auðvitað alltaf aðgengilegir í Sjónvarpi Símans Premium.

Þriðja þáttaröðin af Mr. Robot er svo byrjuð aftur þar sem við fylgjumst með Eliiot og tölvuhakkara vinum hans berjast við stórfyrirtæki.

Sjöunda og síðasta þáttaröðin af Scandal er svo nýhafin þar sem Olivia Pope og valdamesta fólk í Bandaríkjunum kljást.

Af nýjum þáttum má helst nefna Law & Order True Crime sem voru hefja göngu sína sem byggjast á þekktu sakamáli, Menendez morðunum.

Við settum líka nýverið inn barnaefni í Sjónvarp Símans Premium en þar hafa Blíða og Blær slegið rækilega í gegn ásamt auðvitað Hvolpasveitinni.


Allt

Time Capsule í Spotify

30/09/2017 • By

Vinir okkar hjá Spotify voru að setja skemmtilega nýjung í loftið, eitthvað sem að þeir kalla Time Capsule.

Það eru tvö ár síðan þeir settu Discover Weekly í loftið sem var og er mögnuð viðbót, lagalisti sérstaklega uppfærður fyrir hvern og einn alla mánudaga. Þar raða þeir saman lögum sem þú ættir að hafa gaman að miðað við hvað þú hefur verið að hlusta á, en hefur ekki verið að hlusta á.

En aftur að Time Capsule.

Í stuttu máli er þarna tveggja tíma lagalisti, sérstaklega gerður fyrir hvern og einn sem lítur um öxl og á að koma hverjum og einum aftur til unglingsáranna og aðeins lengra aftur.

Minn listi byrjar á barnalögum eins og lögum úr smiðju Thorbjörns Egner ásamt slögurum frá Ruth Reginalds. Síðan er mér hent beint á skólaball í Breiðholtsskóla og þaðan er hoppað í menntaskólaárin og það varla án þess að slá feilnótu.

Þarna er í einum lista, að minnsta kosti hjá mér komin tónlisti að lífi mínu til tuttugu ára aldurs eða svo. Þó það sé oftast sagt að það sé best að horfa fram á veginn er ekki annað hægt en að elska að líta aðeins um öxl og horfa til baka, eða hlusta.

Kíkið á Time Capsule listann ykkar í Spotify appinu. Minnum svo auðvitað á að streymi Spotify yfir farsímakerfi Símans telur ekkert af inniföldu gagnamagni.

 


Allt

Nýtt efni í Sjónvarpi Símans Premium

28/09/2017 • By

Það er komið haust. Það þýðir að sjónvarpsþættirnir eru byrjaðir að rúlla á nýjan leik eftir sumarfrí, því fagna margir.

Margt nýtt er fram undan í Sjónvarpi Símans Premium, ekki bara nýtt efni heldur snúa margir eldri þættir aftur. Dagskráin hefur aldrei verið stærri og nú eru yfir 7.000 klukkustundir af efni sem bíða þín í Sjónvarpi Símans Premium. Við munum líka forsýna fleiri þætti en nokkru sinni fyrr, þættirnir koma þá inn hjá okkur strax daginn eftir að þeir eru sýndir úti.

Til að sýna fjölbreytileikann af efni eru hér nokkur dæmi um þætti sem við erum spennt fyrir.

Hvolpasveitin

Byrjum bara á stóru fréttinni. Hvolpasveitin er nú komin inn í Sjónvarp Símans Premium. Öll fyrsta þáttaröðin er komin inn, með íslensku tali og meira framundan.

Bessi, Kuggur, Kappi, Rikki, Seifur, Píla, Róbert og allir hinir eru mættir. Þú þarft bara að kalla!

Fullt af öðru frábæru barnaefni hefur reyndar bæst við líka, en Hvolpasveitin er eflaust það sem kætir flesta.

 

This is Us

Einn stærsti þátturinn í fyrra, áhorfstölur og dómar gagnrýnenda segja okkur það. Á imdb.com fá þættirnir 8.8 af 10 og hjá Rotten Tomatoes standa þættirnir í 89%.

En hvernig þættir eru This is Us? Þeir flokkast sem drama og gamanþættir og fjalla um líf þriggja systkina og lífshlaup þeirra. Ótrúlega vel skrifaðir og leiknir þættir sem snerta marga, þættir sem við getum eiginlega ekki mælt nógu mikið með.

 

 

The Orville

Seth McFarlane, maðurinn á bak við Family Guy og American Dad leikur hér aðalhlutverkið í glænýjum gamanþáttum. Í sinni einföldustu mynd mætti segja að The Orville sé grín útgáfa af Star Trek sem margir þekkja og elska. Gagnrýnendur eru ekkert að elska þessa þætti, en það var svo sem vitað fyrir þar sem að grín að þessari gerð fær aldrei lofsamlega dóma. The Orville er della eins og pabbi minn myndi segja, en þetta er bara fyndin della sem gerir þættina góða.

Hafi maður gaman að Family Guy og léttum vísindaskáldsap eru þetta þættir fyrir þig!

Nú þegar eru komnir nokkrir þættir inn í Sjónvarp Símans Premium og nýir þættir koma svo strax daginn eftir frumsýningu erlendis.

The Good Place

Önnur þáttaröðin er byrjuð af The Good Place sem hefur að skipa einvalaliði leikara eins og Kristen Bell og sjálfum Ted Danson. Þættirnir eru hugarsmíð David Schwartz sem var handritshöfundur að bandarísku útgáfunni af The Office og Parks and Recreations, sem eru báðir á lista yfir bestu grínþætti síðasta áratugar.

The Good Place fjalla um Eleanor, sem leikin er af Kristen Bell þar sem hún lætur lífið og er boðin velkomin til lífsins að handan af Ted Danson. Vandamálið er bara að hún fór á góðan stað eftir dauðann vegna sinna góðu verka á meðan hún var enn á lífi, verka sem hún gerði ekki heldur alnafna hennar. Hún þarf því að fela galla sína og vandamál til geta verið á þessum góða stað.

Frábærir þættir!

 

Law & Order True Crime

Í anda American Crime Story sem einmitt má finna í Sjónvarpi Símans Premium kemur Dick Wolf, maðurinn á bakvið Law & Order með nýja þætti. Eins og í American Crime byggja þættirnir á raunverulegu sakamáli en í þessari þáttaröð er tekið fyrir þekkt sakamál í Bandaríkjunum þar um Menendez bræðurna. Þeir myrtu forríka foreldra sína með köldu blóði og voru dæmdir í lífstíðarfangelsi. Málið var mikill fjölmiðlasirkus í Bandaríkjunum og hafa margar heimildarmyndir verið gerðar um málið.

 

The Voice US

Þessir frábæru þættir snúa aftur, nýbúnir að vinna Emmy verðlaun fyrir besta þáttinn í sínum flokki. Það er engin skortur á hæfileikaríku fólki í henni stóru Ameríku sem vilja láta reyna á raddböndin og sigra í The Voice.

Sem fyrr eru Adam Levine og Blake Shelton í sínum stólum. Miley Cirus snýr aftur og Jennifer Hudson kemur ný inn sem dómari í þessum frábæru þáttum.

Fylgist með frá byrjun.

Mr. Robot

Þriðja þáttaröðin hefst þann 11.október sem þýðir að fyrsti þátturinn kemur daginn eftir í Sjónvarp Símans Premium. Mr. Robot hafa fengið einróma lof, með fjölda tilnefninga og unnið til fjölda verðlauna. Rami Malek er orðin stjarna eftir frábæran leik sinn á aðalsöguhetjunni Elliot ásamt því að margir gleðjast yfir að sjá Christian Slater dúkka upp í þáttunum.

Þættirnir fjalla um hóp tölvuhakkara og stríð þeirra við stórfyrirtæki. Elliot, aðalsöguhetjan er yfirburðar tölvuhakkari en er þunglyndur og þjáist af kvíða og á erfitt með að vera í kringum fólk. En í hinum stafræna heimi blómstar hann.

Þættirnir eru ekki bara vel leiknir og vel skrifaðir, þeim hefur líka verið hrósað fyrir að vera tæknilega réttir. Eitthvað sem að sjónvarpsþættir og kvikmyndir nær aldrei ná enda raunveruleikinn ekki eins skemmtilegur og glanshúðuð Hollywood útgáfan.

Fyrstu tvær þáttaraðirnar eru auðvitað inni í Sjónvarpi Símans Premium og bíða þín þar.

Spennandi og skemmtilegir þættir.

Þetta er aðeins lítið brot af öllu því nýja efni sem er að byrja í Sjónvarpi Símans næstu vikurnar. Og það er enn meira efni á leiðinni.


Allt

Apple kynning – 12. september 2017

12/09/2017 • By

Maður getur verið nokkuð viss um að haustið sé komið. Enski boltinn byrjaður að rúlla og Apple héldu kynningu og kynntu nýjan iPhone til leiks ásamt öðru góðgæti fyrir okkur sem elskum tækni, tæki og dót.

Rennum stuttlega yfir allt það sem var kynnt. Ég er pottþétt að gleyma einhverju en þetta er svona það helsta sem ég skrifaði niður á meðan að Tim Cook, forstjóri Apple og kollegar hans kynntu allt það nýjasta til leiks.

iPhone X

iPhone X (10 í rómverska stafrófinu) er flaggskip Apple. Þeir sögðu sjálfir í kynningunni að þetta tæki væri framtíð snjallsímans. iPhone línan er tíu ára núna í ár og því er þetta tæki númer tíu, níunda tækið er ekki til. Svona eins og Microsoft gerðu með Windows þar sem þeir fóru beint úr útgáfu 8 í 10.

iPhone X er magnað tæki að sjá. Ný hönnun, tækið lítur ekki út eins og iPhone tæki hafa gert hingað til. Með nýjum 5.8 tommu OLED skjá sem þeir kalla Super Retina í stað Retina áður sem styður HDR, tækið er einn skjár að framan að sjá fyrir utan myndvélina. Loksins eru stóru rammarnir sem hafa verið í kringum skjáinn efst og neðst á tækinu horfnir.

Heima takkinn sem hefur verið í iPhone frá upphafi er horfinn sömuleiðis, svipað og menn þekkja úr Android heiminum þar sem heima takkinn hefur horfið og allt er þá leyst á skjánum í stýrikerfinu sjálfu. Apple kynna FaceID í stað TouchID enda fingrafaraskannin horfinn (hann var í heima takkanum). FaceID er einhver svartagaldurs tækni sem virðist vera ótrúlega mögnuð þar sem tugþúsundir punkta á andlitinu eru notaðir til að staðfesta að þetta sé raunverulega þú með hjálp dýptar myndavélar sem og innrauðum geisla og hún virkar þó eigandi símans sé með gleraugu, skegg, nýrakaður og hvaðeina.

Þráðlaus hleðsla er komin í iPhone og notast er við Qi staðalinn sem margir símar hafa notað. Bakhlið símans er úr gleri og þannig er hægt að hafa þráðlausa hleðslu. Það er eiginleiki sem margir hafa beðið eftir.

iPhone X með sínu nýja útliti lítur út fyrir að vera ótrúlega fallegur og magnaður að sjá, með 2 tíma betri rafhlöðuendingu en iPhone 7.

Hvenær iPhone X kemur til Íslands vitum við ekkert um eins og staðan er í dag enda kynningunni ný lokið. Hvað hann mun kosta vitum við ekki heldur en ljóst er að iPhone X verður dýrari en iPhone hefur verið vanalega miðað við hvað Apple segir að hann muni kosta í Bandaríkjunum.

iPhone 8 og 8 Plus

Það var ekki bara iPhone X sem var kynntur til leiks heldur líka venjulegir iPhone ef svo má segja. iPhone X er hetjuframtíðar tækið sem verður nokkuð dýrt á meðan að iPhone 8 og 8 Plus verða venjulegu tækin sem að flestir þekkja.

En hvað er nýtt?

Með því að setja gler á bakið er nú hægt að bjóða uppá þráðlausa hleðslu sem er frábært því það er ótrúlega þægilegt að geta lagt tækið sitt á mottu á borðinu og hann byrjar að hlaða sig fyrir eitthvað kraftaverk.

Betri upplausn á skjá, betri rakavörn ásamt nýjum örgjörva sem kallast A11 Bionic. Báðar myndavélarnar hafa fengið uppfærslu og eru nú 12MP (megapixlar) sem á að skila betri myndum almennt. Eins og áður fær Plus útgáfan aðeins betri myndavél en hitt tækið en iPhone 8 Plus er með nýjum nemum og mun bjóða upp á eitthvað sem Apple kalla Portrait Lighting sem á að skila betri lýsingu í portrett myndum eins og hún hafi hreinlega verið tekin hjá fagaðila sem ber lögverndað starfsheiti í ljósmyndun. Tækið tekur upp 4K myndbönd á 60 römmum á sekúndu og FullHD (1080p) myndbönd á 240 römmum á sekúndu.

Tækið mun líka styðja vel við augmented reality/breyttur raunveruleiki tæknina sem Apple hafði áður kynnt til leiks.

Hvenær iPhone 8 og iPhone 8 Plus koma til Íslands er ekki vitað eins og staðan er akkúrat núna né hvað þeir muni kosta.

AppleTV

Uppfært AppleTV var líka kynnt til leiks, það styður nú 4K/UHD (3840×2160 upplausn sem er UHD en allir segja 4K) ásamt HDR og það báða staðlana sem bítast nú um yfirburði þegar kemur að upptöku HDR. Nýja AppleTV styður sem sagt bæði HDR10 og Dolby Vision. Eins og með 4K/UHD þarf sjónvarpið þitt að styðja HDR svo að þú sjáir muninn.

AppleTV 4K notast við A10X örgjörvann sem er í iPad Pro og þannig er þetta uppfærða tæki tvisvar sinnum öflugra en fyrra AppleTV ásamt því að það er með 3GB af vinnsluminni.

Apple Watch

Nýr dagur, nýtt úr og nú með 4G stuðningi. Úrið kalla þeir Apple Watch Series 3 enda þriðja kynslóð af þessu magnað tæki.

Betri örgjörvi, meiri hraði. Apple Music stuðningur og með 4G í úrinu sjálfu er hægt að gera hluti og skilja símann eftir heima.

 


Allt

Ertu með Stjörnustríðsfræðin á hreinu?

08/09/2017 • By

Það er ekki langt síðan að Stjörnustríðs myndirnar allar komu inn í Sjónvarp Símans Premium. Viðtökurnar hafa verið vægast sagt ótrúlegar. Núna um mánaðamótin var búið að horfa á myndirnar samfleytt í 7 ár! sem eru 62.273 klukkustundir eða eru 3,7 milljón mínútur. Það er ótrúlegt áhorf en svo sem ekki skrýtin þegar um er að ræða einhvern þekktasta kvikmyndabálk sögunnar.

Við ætlum því að henda í skemmtilegan leik. Ef þú getur svarað öllum spurningunum rétt ferðu beint í pottinn og getur unnið BB-8 fjarstýrt vélmenni að andvirði 22.990 kr. Þeir sem taka þátt þurfa að gefa upp netfangið sitt svo að við getum haft samband við vinningshafann.

Við dröfum út nafn þess heppna föstudaginn 15. september.

 


Allt

Síminn Pay

06/09/2017 • By

Í AppStore og PlayStore má nú finna appið Síminn Pay, nýja greiðslulausn sem gerir þér kleift að borga með símanum þínum.

Appið virkar hjá fjölda söluaðila um allt land, virkar með öllum íslenskum debet og kreditkortum óháð banka og farsímakerfi.

Síminn Pay virkar þannig að við fyrstu uppsetningu þarf að staðfesta hver þú ert, annað hvort með rafrænum skilríkjum eða með því að fá sent lykilorð beint í heimabankann þinn.

Síðan bætirðu við kortunum þínum, annað hvort með myndavélinni í gegnum appið eða með því að slá inn númerin á kortunum.

Þegar greiða á með Síminn Pay er nóg að opna appið, velja kortið sem á að greiða með og skanna kóðann hjá söluaðila. Greiðslan fer þá beint í gegn og kvittun kemur beint í appið.

Nú þegar er til dæmis hægt að greiða með Síminn Pay hjá Te & Kaffi, Kaffitár, Dunkin Donuts, Local, Lemon, Frú Laugu, Culiacan, Ísbúð Vesturbæjar, Mosfellsbakarí, 10-11, Olís og Samkaup og fleirum. Söluaðilum mun svo fjölga jafnt og þétt og enn fleiri möguleikar koma inn í appið.

Prófaðu Síminn Pay, skildu veskið eftir heima!