Allt

Scandal í Sjónvarpi Símans Premium

30/01/2017 • By

Það er allt á suðupunkti í Washington í dag eftir að nýr forseti Bandaríkjanna tók til starfa. Eflaust er allt á fullu bakvið tjöldin og eflaust ekki helmingurinn af því sem er í gangi sem flýtur upp á yfirborðið. Það er fullt af fólki í fullri vinnu við að laga til, snúa slæmri frétt í góða og bara redda málunum. Þetta hljómar eins og efni í góða sjónvarpsþætti eða bíómynd.

Slíkir þættir eru einmitt til en fyrsti þáttur í sjöttu þáttaröðinni af Scandal kom einmitt í Sjónvarp Símans Premium síðasta föstudag. Hver þáttur kemur inn daginn eftir að hann er sýndur í Bandaríkjunum þannig að áskrifendur að Sjónvarpi Símans Premium sjá hann ekki löngu á eftir forseta Bandaríkjanna sem elskar víst að horfa á sjónvarp.

Fyrstu fimm þáttaraðirnar bíða þín nú þegar í Sjónvarpi Símans Premium og því ekki seinna vænna að horfa sig í gegnum þær áður en nýjasta þáttaröðin fer á flug.

Scandal fjalla um Oliviu Pope og hennar fólk sem starfa við krísustjórnun og almannatengsl í Washington D.C. Verkefnin eru oft stór og flókin en þau ná einhvern veginn alltaf að leysa þau öll. Eins og svo stundum gerist eru það eigin vandamál Oliviu sem erfiðast er að leysa, enda er hún öllum stundum í vinnunni og ekki mikill tími eða orka til að tækla hin raunverulegu vandamál.

Shonda Rhimes, höfundur Scandal er engin nýgræðingur þegar kemur að sköpun sjónvarpsþátta og fáar konur sem hafa sett mark sitt eins vel á sjónvarpsiðnaðinn síðustu ár en hún er ekki bara höfundur Scandal heldur einnig Grey´s Anatomy, The Catch, Private Practive og How to Get Away with Murder. Hún er margverðlaunuð fyrir sköpun sína og hefur einnig fengið fjölda viðurkenninga fyrir að hafa bæði sterkar kvenpersónur í sögum sínum og velja leikara úr minnihlutahópum.

Kerry Washington sem leikur Oliviu Pope sjálfa er svo margverðlaunuð eftir að hafa leikið í þáttunum og er orðin stórstjarna enda Olivia Pope mögnuð persóna.