Síðustu tveir dagar hafa aldeilis verið skemmtilegir. Veðrið hefur verið yndislegt og Ísland hefur skartað sínu fegursta. Eftir að hafa upplifað stórkostlega náttúrufegurð og kvöldsólarlag í Ísafjarðardjúpi fórum við á Ísafjörð og gáfum einn síma.
Í þetta skiptið var síminn staðsettur ofan á gangnamunnanum innst inni í Tungudal, rétt fyrir innan Ísafjörð. Það var tekin mynd og sett á Instagram og henni deilt á Facebook. Og viti menn, það liðu ekki nema örfáar mínútur þangað til fyrsti maðurinn kom á svæðið. Sá var búinn að bíða eftir vísbendingu í allan dag og þegar hann sá myndina brunaði hann beint uppeftir.
Hlynur Steinn og vinur hans Galaxy SIII
Já hann Hlynur Steinn er sko einum Samsung Galaxy SIII síma ríkari. Hér er hann hæstánægður, uppi á gangnaopinu með Ísafjörð (Skutulsfjörð) í baksýn.
Eftir að hafa afhent símann brunuðum við af stað og halda nú norður á leið. Allar ábendingar um fallegt myndefni og skemmtilega staði eru vel þegnar. Þá eru allar áskoranir sömuleiðis teknar mjög alvarlega. Til dæmis skoraði hún Elísabet Kristín Kristmundsdóttir á okkur að klappa kind, kýr eða hest og því var svarað í dag.
Hringferðin er semsagt langt því frá búin og því er vert að halda áfram að fylgjast með því við munum halda áfram að gefa síma út vikuna. Við erum á Instagram, Twitter, Foursquare, hér á blogginu og svo að sjálfsögðu á Facebook þar sem þú sérð þetta allt saman.
Á morgun, miðvikudag, höldum við svo áfram gjafagleðinni. Ef þú býrð í nágrenni Akureyrar fylgstu þá með. Við erum fyrir norðan!
