Til að kynna háskerpu fyrir viðskiptavinum okkar erum við að bjóða þeim sem hafa möguleika á HD að fá DR HD á 0 kr. Allir viðskiptavinir Símans með Ljósnet hafa aðgang að háskerpu og stór hluti viðskiptavina með ADSL. Skilyrði fyrir því er að vera með HD myndlykil og góða línu inn í húsið. Einnig er hægt að fá enska boltann í háskerpu, en til að fá hana inn á myndlykilinn þarf að hafa samband við askrift@stod2.is.
Til þess að fá áskriftina inn á myndlykilinn þarf að skrá sig í HD áskrift. Það er hægt að gera á einfaldan hátt á Þjónustuvef Símans eða með því að hringja í 8007000. Að því loknu þarf að endurræsa myndlykilinn. Eins og áður segir eiga viðskiptavinir með Ljósnetstengingu möguleika á HD áskriftinni, aðrir gætu þurft að athuga það með því að fylgja eftirfarandi leiðbeiningum.
1. Fara inn á Þjónustuvef Símans.
2. Smella á Sjónvarp og Áskrift.
3. Smella á Breyta áskrift
4. a) Ef þú hefur möguleika á HD áskrift þá birtist hún og þú hakar við til að fá hana inn.
4. b) Ef þú átt ekki möguleika á HD áskrift þá færðu eftirfarandi skilaboð
5. Endurræstu lykilinn. ATH: Það getur tekið allt að klukkustund fyrir áskriftarbreytingu að ganga í gegn.
Um 70-80% af viðskiptavinum með Sjónvarp Símans eiga möguleika á háskerpuútsendingum. Til að tryggja bestu myndgæðin er best að tengja myndlykilinn við sjónvarp með HDMI snúru.
Ef einhverjar frekari spurningar vakna má hafa samband við 8007000.
Er leigan á HD lykli sama og “venjulegum” lykili?
Hvað varð af heimsíðunni minni sem fylgdi internetáskriftinni
frontpage/seward
Sæll Grímur
Leigan er sú sama af HD lykli og venjulegum. Hins vegar er útskiptigjald ef þú vilt fá nýjan lykil, 2090 kr.
Hvað Frontpage varðar þá slökkt á stuðningi við það núna um áramótin. Allir notendur voru látnir vita. Ástæðan fyrir því að stuðningnum var hætt var vegna þess að síðasta hugbúnaðaruppfærsla sem kom var frá árinu 2003